ඇය ගැන වචන අමුනාගන්නට මෙතරම් අපහසු මන්දැයි කියා ඈ ගැන යමක් අකුරු කිරීමට අරඹන හැම මොහොතකම මට හිතී ඇත. අම්මා ගැන මා ලියූ හැම නිර්මාණයකම මොකද්දෝ අඩුවක් මගේ හිතට දැනුනේ ඒවා හැම හොඳ අම්මා කෙනෙකුටම පොදුවේ බිහි වන සේ මට හැඟෙන නිසාය. අපේ අම්මා මට විශේෂිතය. මගේ ලෝකයේ හොඳම තාත්තා ඔහු වෙද්දී ඇය මගේ ලෝකයේ හොඳම අම්මාය. ජීවිතයේ රෝස යහනා මඟ ඇරී යද්දී අම්මාට උරුම උනූ හැම රලු මාවතකම ඈ දහිරියෙන් ගමන් කලාය.
මා මෙය ලියන්නේ ඔබ වෙනුවෙනි. ඔබේ 64වන උපන් දිනය වෙනුවෙනි. මේ වචන වලට ඔබේ ජීවිතය කියන්නට බැරිවෙනු ඇති නමුත්, ඔබ අපේ ජීවිතයේ අඩිතාලමය. ඔබ මතින් ගොඩනැගුන අප රඳා පවතින්නේ ඔබේ නොසැලෙන අආදරයේ මහිමය නිසාය.
සුභ උපන්දිනයක් අම්මේ මැයි 18
පැටවුන්ගෙ හද ගැහෙන ස්වරයට
හුස්ම ගන්නා මුතු කඳුල ඔබ.,
වැයෙන ස්වර ළඟ තාල මුමුනන
නිහඞ අසිපත දිදුල සියපත....
හුස්ම ගන්නා මුතු කඳුල ඔබ.,
වැයෙන ස්වර ළඟ තාල මුමුනන
නිහඞ අසිපත දිදුල සියපත....
රිදෙන හදවත රිදවනා කල
සිනහ පැන් ඉස හුදකලාඋන.,
ආදරේ පිරි උල්පතයි ඔබ
කඳුලකින් ලය සතපවාලන....
සිනහ පැන් ඉස හුදකලාඋන.,
ආදරේ පිරි උල්පතයි ඔබ
කඳුලකින් ලය සතපවාලන....
ජීවිතේ තනි මංසලක් ළඟ
අතීතෙට ඇය පෙම් බඳී තව.,
සඳුන් සුවඳට තුටින ඉපිලෙන
වේදනාවට ආදරෙන් ඔබ....
අතීතෙට ඇය පෙම් බඳී තව.,
සඳුන් සුවඳට තුටින ඉපිලෙන
වේදනාවට ආදරෙන් ඔබ....
තැබූ පියවර හිතේ දිරියට
ගැලු දහදිය මතින් ඉදිඋන.,
අපේ ජීවිත පිපෙන තාලය
ඔබේ සිනහවෙ ගීතයම විය ....
ගැලු දහදිය මතින් ඉදිඋන.,
අපේ ජීවිත පිපෙන තාලය
ඔබේ සිනහවෙ ගීතයම විය ....
No comments:
Post a Comment