Tuesday, June 7, 2011

වියපත් (ද) ආදරය....!!





නිමක් නැති නෝක්කඩු
ටිකක් සැර වදන් ළඟ
මුවින් පිට නොවී - සැඟැවී
නෙතු අඟක ඳඟ පාන,
පියාපත් විදාහල
නුරා හැඟුමන් අතර
දෙනෝ දාහසක් දෑස්
මඟ හරින කෝලකම.,
ඉවසාන හදවතින්
මඟහැරුන වසන්තය
ගිම්හානයේ දිනෙක
ඉරිතැලුන හිත් දෙකක,
අකල් වස්සානයට
පනගසා සුපුශ්පිත
සෙනෙහස කොඳ කැකුල....,
සියක් දඹරැඟිලි හී
ඊ තුඩින් රකිනයුරු
බොළඳ තෙපුලින් විසුල
සිනහ මල් පෙති අතර,
සැඟව උන් වෙලුනු අත්
හංඟාන ලෝකයට
හදවතේ අයිතියට
හදගැස්ම ලැබෙනකොට,

වියපත්ය ජීවිතය....
වියපත්(ද) ආදරය....!!

No comments:

Post a Comment