සුළඟත් එක්ක ඳඟ පෑව
සුදු ගවුමේ රැළිත් සිළිලාර
ඉස්කෝලෙ ගිය මුල් දවසෙ
සිතුවම් මතක ළඟ ඔබත් ඇත.....
මැයි මල් පිපෙන හැඩ කහ පාට
පොඩි පංතිවල සුරඟන සුවඳ
ගී කියු මියුලැසි විහඟ කැල
තාමත් මවයි ඒ සිඟිති රස....
අරලියා මල් ගස් අතරෙ නෙක
යෞවනේ හිරිමල් පිපෙනතර
මිතුරියේ අපි ආ ගමන් මඟ
විදු මවුගෙ සෙවනේ සිහිල මැද....
හැර ආ දිනේ අනුලා තුරුල
අපි වෙන්වෙද්දි බිඳි කඳුලු කැට
තරු සිත්තමක් වී අහසෙ අර
තමත් දොවයි මිතුදමින් සිත....
දුර බොහෝමැයි අපි අතර
මිතු දම් හුයෙන් පාලම් මැවුන
ඉඳ හිට එවූ හසුනක අතර
කඳුලත්- සිනාවත් අකුරු කර....
මිතුරියේ මා හිත හැඳිනූ
මේ සුභ පැතුම් එ හිතේ ඇඳුනු
දඟකාරි - සෝබන යෙහෙලි
මනාලිය වන දින ළඟලු....
සෙනෙහස නිසා දෙහිතේ බැඳුන
මඟ එලිය වෙයි නිසි මඟ යන්න
අඳුරෙදි එපා කලබල වෙන්න
බෝ දුරකි ඔහු හා යන්න.....
පැතූ පැතුමන් හැබෑ වේවා!
සිනාමුව සැමදා රැඳේවා!
හීන දුටු ලෙස අනාගතයම,
ආදරේන් සිත්තම් කෙරේවා....!
(25/10/2012)
No comments:
Post a Comment