Thursday, May 23, 2013

දහමෙහි රසය දැන නිති හිත සැනසේවා....!



නිවෙනා මනස නිවනේ මඟ දකින දින,
සුවෙනී එදින සංසාරේ දුක මිදෙන....
බැඳුනේ කෙළෙස් පිරි ලෞකික මිනිස් හිත,
බැමි දැන් මුදමු මෙත් මුදිතා සුවය විඳ.... 

පුදමින් පියුම් සම්බුදු සිරිපතුල් සිඹ,
සිහිකර දිරණ ජීවිතයේ දුකැති බව,
නිළඹර දිලෙන හිරු මෙන් නොදිරනා ලෙස
රැකගන්නට සිතමු කෙලෙසුන් නැසූ හිත....

හදවතපුරා ඉතිරීයන සැනසීම,
පෝදා හඳ වගේ දිලිසේවා නිඹඳ....!
තැන තැන සෑම දැල්වෙන පහනෙහි එලිය,
සැම සිත් එලිය වේවා මෙත් එලිය විඳ....!


දහමෙහි රසය දැන නිති හිත සැනසේවා....!
බුදු නෙත් පියුම් මෙන් කරුණා ඉතිරේවා....!
කුසුමක සුවඳ සේ  සිතුවිලි ඇතිවේවා....!
වෙසඟේ සිරිය හදෙහි නිති පැතිරේවා....!

24/05

1 comment:

  1. හිත නිවෙන පද පෙළක්

    ReplyDelete