එදා සහ අද

සිනිඳු - සිනිඳු සුළඟ එක්ක

පියාඹන්න තටුත් නැතුව

මං වටේට - හරිම හැඩට

පාවෙන්නේ කියන් කෝම....?

පාට - පාට හරි හැඩේට

පේන - නොපෙනෙනා ගානට

දේදුන්නෙ තියෙන ලෙසම

පාට ගෑවෙ කියන් කෝම....?

අල්ලන්නට අත දිග මදි

මං දාලා පියඹන සකි

මං ලොකුවෙන හෙට දවසකි

එදාට නුඹ ඇල්ලුවහැකි....!

....~~~~~~....

බරට රිදෙන,

හිතට දැනෙන,

දුක ඉතිරෙන,

දිවියෙ අරුම.,

සබන් බෝල

වගේ කෝම

හිනැහෙන්නේ

කඳුල ගාව....?

ඉගිලුනාවෙ මා අතහැර

නුඹ වගේම මගේ හීන.,

ජීවිතයම මායවක්

හිතුන තරම් නැහැ සුන්දර….!!

....~~~~~~....