Friday, September 23, 2011

නිහඞ උවනත දකිමි මම ඔබ



සිනාසෙන සඳ නුරා අහසට
කෝල තරුකම් මවද්දී
පුරා සිතලඟ කවියකට පද
නුඹේ උරමත නිදද්දී

පපුතුරේ හිඳ දෙනෙත් අද්දර
ආදරේ කවි මැවෙද්දී
පියාගමි මම මොහොතකට නෙතු
දයාබර හිත ගැහෙද්දී

ඇසිලක ඔය සුරත් පහසින්
තුරුල්ලේ සුව සැදෙද්දී
නොකිවු වදනින් සවන් පුරවමි
හැඟුම් මල් මුතු සැලෙද්දී

නිහඞ උවනත දකිමි මම ඔබ
නිසල නෙතුකැන් පිපෙද්දී
හෙටක් ඉද්දර සිනාසෙමු අද
පැතුම් මල් වැහි වහිද්දී

3 comments:

  1. එහෙනම් මීට පස්සෙ වෙන දේවල් ගැනත් ලියවෙයි :)

    ReplyDelete
  2. ලස්සන කවි පෙලක්...

    ReplyDelete